आजीवन सदस्यहरूको नामावली दुरुस्त राख्न सदस्यता अद्यावधिक समिति गर्यो काम सुरू
अन्तर्राष्ट्रिय नेपाली साहित्य समाज (अनेसास) का आजीवन सदस्यहरूको नामावली दुरुस्त राख्न गठित अनेसास आजीवन सदस्यता अद्यावधिक समितिले काम सुरू गरेको छ ।
आजीवन सदस्यताको नामावली व्यवस्थित गर्ने, अनेसासका च्याप्टर र केन्द्रसँग समान्वय गरी छुटेको नाम आवश्यक प्रमाणीकरण गरी सूचिकृत गर्ने, र निर्वाचनका समयमा देखिएका प्राविधिक समस्याहरूको दीर्घकालीन समाधान खोज्न पहल गर्ने उद्देश्यले सो समिति हालै गठन भएको थियो । समितिले बिहीबारबाट काम सुरु गरेको हो ।
काम आरम्भ गरेको मितिले तीन महिनाभित्र समितिले प्रतिवेदन बुझाउने योजनाअनुरूप काम आरम्भ गरिएको छ । डा. चूडामणि खनालको संयोजकत्वमा गठित उक्त समितिमा विजयराज भट्टराई, तीर्थराज पाण्डे, पुष्पा खनाल र कुमारबाबु सिंखडा सदस्य रहेका छन् ।
